چ شک تێدا نینە کو بۆ دیتنەڤەکا دەمی بۆ کار کردن و بکارئینان ئامێرێن تەکنۆلۆجیایێ بۆ ھندێ دەمەک خۆ بۆرینیت، لێ دڤێت ل وی دەمی بیت کو وەخت ھەبیت و چھو وەختێ خۆ یێ خواندنێ یان ژی دیتر بێ مفا نەبۆرینیت.
بکارئینانا تەکنۆلۆجیایێ ژی ئێکە ژ ئەگەرێن سەرەکی کو دبنە بنەمایێن فێرکرن و زانینێ یان ژی ھەر ئەگەرەکێ دیتر، بۆ ھندێ کو پەیداکرنا بازاڕەکێ بۆ ھندێ داھاتییا خۆدا ببیتە خودان کارەک بۆ ژیانا خۆ و پەیداکرنا دەلیڤێن کاری بەرانبەر بکارئینانا وان ئامێرێن تەکنۆلۆجیایێ، بۆ ھندێ دڤێت ئەڤ سەردەمە نەھێتە ژ بیر کرن و سەردەم سەردەمێ زانستی و تەکنۆلۆجیایێیە و بۆ ھندێ دڤێت ئەم خۆ دوور نەکەین ژ ڤان.
بەلێ ئەڤە وێ چەندێ ناگەھینیت کو ئەم ڤی زانستی ھەلبژێرین و ببیتە ئەگەرێ تێکدانا سیستەمێ خواندنا مە، بۆ ھندێ دڤێت مە ھشیارییەک ھەبیت بۆ ھندێ کو گەلەک جاران ل سیمنار و ناڤەندێن خواندنێ و ھەتا مال ژی دھێتە گۆتن کو کارتێکرن ل سەر خواندنا قوتابییان کرییە.
بکارئینانا ئامێرێن تەکنۆلۆجیایێ و کارتێکرن ل سەر مێشکێ قوتابی دھێتە کرن.
گەلەکییا بکارئینان و نەزانینا دەمێ خۆ کو پترییا دەمێن خۆ بۆ بۆراندنا ڤان ئامێرانە ب کار بینیت ئەڤە دبیتە ئەگەرێ ھندێ کو کارتێکرن ل خواندنا ڤی قوتابی بکەت، ژ بلی کو دبیتە ئەگەرێ مەترسییا بەردەوام بکارئینانا وی ل سەر ساخلەمییا وی، ژ بەر ھندێ دڤێت ئەڤە ژی سنۆرێن خۆ ھەبیت و نەبیتە ئێک ژ کارێن وی یێن ڕۆژێ و خواندنا خۆ بھێلیت و دبینی دووماھی ھەتا ژ بلی سەرنەکەفتنێ کو دبیتە ئەگەرێ ھندێ ھەتا گەلەک جاران مە دیتییە و گوھ لێ بوویە ژی ھەر خواندن ھێلایە و مایە بێ کار و بێ خواندن ژی.
ئەو کارئینان و زانینا وی ئێکە ژ ئەگەرێن سەرەکی بۆ زێدەتر بدەستڤەئینان دەلیڤێن کاری ئەگەر ڕاستی و دورستی بچیتە ناڤ پرۆگرامێن وێ یێن گرنگ و خواندنا خۆ ژی دەست نەدەت، بۆ ھندی کو زانستێ کۆمپیۆتەرێ نوکە گەلەک گرنگە و پێدڤییە ژی.
فێرکرن ژی بێ تەکنۆلۆجیایێ سەرکەفتی نابیت، ژ بەرھندێ دڤێت پتر بچنە د ناڤدا و کارئینانا وێ ژی گەلەک یا گرنگە، بەلێ نەبیتە ئەگەرێ کارتێکرنەکا ئەرێنی ل سەر خواندن و نڤیسینا قوتابی و کاروبارێن مە یێن ڕۆژێ ژی بەروڤاژی ببیتە ئەگەرێ ھندێ کو جھێ مفایی بیت بۆ مە و زارۆکان ژی و ھەتا کاروبارێن مە ژی بێ شاشی و ب سانەھی ڕێڤە بچن.