سه‌رۆکی لێژنه‌ی پێشمه‌رگه‌ له‌ په‌رله‌مانی کوردستان ڕاى ده‌گه‌یه‌نێت، دوای ناردنی لیستی ناوی ئەفسەرانی پێشمەرگە بۆ پلەبەرزکردنەوە، ئێستا ئەنجوومەنی وەزیرانى هه‌رێمى كوردستان ڕەزامەندی لەسەر داوە و بۆ وەزارەتی پێشمەرگەی ڕەوانە کردووە.

ریڤینگ هروری، سه‌رۆکی لێژنه‌ی پێشمه‌رگه‌ له‌ په‌رله‌مانی کوردستان به‌ (باسنیوز)ى ڕاگه‌یاند: "دوای ئەوەی لیستی پلەبەرزکردنەوەی ناوی ئەفسەرانی ھێزی پێشمەرگە بۆ ساڵی 2017 ئاڕاستەی ئەنجوومەنی وەزیرانى هه‌رێمى كوردستان کرا، ئێستا ئەنجوومەنی وەزیرانى هه‌رێمى كوردستان ڕەزامەندی لەسەر داوە و بۆ وەزارەتی پێشمەرگەی ڕەوانە کردووە و دەست بە جێبەجێکردنی پلەبەرزکردنەوەی ئەو ئەفسەرانە دەکرێت، کە ڕەزامەندی لەسەر پلەبەرزکردنەوەیان دراوە".

دەشڵێت: "ئەوانەی ناویان بۆ پلەبەرزکردنەوە گەڕاوەتەوە، لە ساڵی 2017وە بۆیان هه‌ژمار دەکرێت".








باسنیوز