بەرێوەبەرایەتی گشتی نەهێشتنی ماددە هۆشبەرەکانی سەر بە ئەنجوومەنی ئاسایشی هەرێمی کوردستان دوو تۆمەتباریان بەبڕێک ماددەی هۆشبەرەوە دەستگیرکرد.

بەپێی راگەیاندراوێکی بەرێوەبەرایەتی گشتی نەهێشتنی ماددە هۆشبەرەکان کە تێیدا هاتووە: "ئەمڕۆ 12ی12ی2020، لەلایەن ئەفسەران و کارمەندانی بەڕێوەبەرایەتی گشتی نەهێشتنی ماددە هۆشبەرەکان لەشاری هەولێر توانرا دوو تۆمەتبار دەستگیر بکرێت کە پێنج جگەرەی هۆشبەر لە جۆری جامایکا و بڕێك ماددەی هۆشبەر لە جۆرەکانی (کریستاڵ) و (جامایکا) پێبوو".

هەروەها بەرێوەبەرایەتی گشتی نەهێشتنی ماددە هۆشبەرەکان لە راگەیاندراوەکەدا ئاماژەشی بەوەداوە، کە ئەو دوو تۆمەتبارە جگە لەم بڕە ماددە هۆشبەرە ساتورێك و چەقۆیەك و دامبۆکسێك و پایپێکی بەکارهێنانی ماددەی هۆشبەریان پێگیرا.










باسنیوز