ژ ئەگەرێ شەر و ئالۆزیێن بەردەوام یێن د ناڤبەرا پارتا کرێکارێن کۆردستانێ (پەکەکێ) و (تورکیا) جارەک دێ خەلکێ دەڤەرا ئامێدیێ بوو قۆربان کۆ سێ کەس ژ خەلکێ دەڤەرا نێروە ل سنورێ ناحیا دێرالۆکێ سەر ب قەزا ئامێدیێ ڤە شەهید بوون.

بەرى 10 رۆژان سێ کەس ژ خەلکێ ناحیا دێرالۆکێ سەر ب قەزا ئامێدیێ ڤە پشتی قەستا گۆندێ (زێوە) ئێک ژ گۆندێن هۆزا نێروە کرى و 10 رۆژ ل سەر چوونا وان دەرباز دبن و بێ سەرۆ شوین دبن، لێ پشتی کەس و کارێن وان دەست ب لێگەریانێ کرى دۆپات بوویە کۆ هەر سێ کەسە ژ ئەگەرێ شەرێ دناڤبەرا پەکەکێ و تورکیا ل ناڤا وی گۆندێ ناڤبری دا شەهید بوونە.

هەر سێ کەسە ب ناڤێن (حەسەن سادق ژ گۆندێ زێرى ـ نێروەی، محسن ژ گۆندێ سپێریێ ـ نێروەی، سەفەر ژ گۆندێ سینی ـ نێروەی) کۆ هەر سێ کەسە ژ ئەگەرێ شەر وئالۆزێن ناڤبەرا پەکەکێ و تورکیا دا شەهید بوونە".

جهێ ئاماژەدانێ یە هەر سێ کەسە خێزاندارن و خۆدان زارۆکن، دوو ژ وان ل ناحیا دێرالۆکێ دژین و ئێک ژ وان خەلێ تەناهییێ یە، پشتی 10 رۆژێن بێ سەرۆشوین بوونێ ئەڤرۆ تەرمێن وان ل گۆندێ زێوە هاتنە دیتن کۆ ژلایێ فرۆکێن تورکیا ڤە هاتنە شەهید کرن و کەس و کارێن وان قەستا جهێ رۆیدانێ کریە تا کۆ بشێن تەرمێ وان بۆ سەنتەرێ ناحیا دێرالۆکێ ب ڤەگۆهێزن.













باسنیوز