شاندی حکوومەتی هەرێمی کوردستان سەردانی بەغدا دەکات
شاندێکی حکوومەتی هەرێمی کوردستان سەردانی بەغدای پایتەختی عێراق دەکات.
بڕیارە شاندەکە ئەمڕۆ چوارشەممە 9-12-2020 بە سەرۆکایەتیی قوباد تاڵەبانی، جێگری سەرۆکی حكومەتی ھەرێمی كوردستان سەردانی بەغدا بكات.
سەمیر ھەورامی، گوتەبێژی جێگری سەرۆكی حكومەتی ھەرێمی كوردستان لە لێدوانێکدا، ئامانجەکانی سەردانەکەی ئاشکرا کردووە، کە بریتین لە؛
- بەردەوامیدان بە گفتوگۆكانی هەولێر و بەغدا
- گەیشتن بە رێككەوتن لەبارەی كێشە ھەڵپەسێردراوەكان بەتایبەت پرسی دارایی و جێگیركردنی شایستە داراییەكانی ھەرێمی كوردستان لە پڕۆژە یاسای بودجەی (2021)ی عێراق.
باسنيوز
