لە سەر بودجەی پەرەپێدانی پارێزگای هەولێر، پڕرۆژەی قێڕتاوکردنی شەقامێکی سەرەکیی ناحیەی دیانای سەر بە سۆران لەبەردەم سەرۆکایەتیی زانکۆی سۆران کەوتە واری جێبەجێکردنەوە.

فەرزنگ ئەحمەد لاوکە، بەڕێوەبەری ناحیەی دیانای سەر بە قەزای سۆران، رایگەیاند: "لە درێژەی کار و پڕۆژە خزمەتگوزارییەکانی حکوومەتی هەرێمی کوردستان، ئەمڕۆ یەکشەممە ٦ی١٢ی٢٠٢٠دەستمان کردووە بە پڕۆژەی قێڕکردنی رێگای سەرەکیی بەردەم زانکۆی سۆران، بە درێژایی چەند کیلۆمەترێک لە سنووری ناحیەکەمان".

ئەوەشی ئاشکرا کرد: "ئەم پڕۆژەیە ستراتیژی و گرینگە و لەسەر بودجەی پەرەپێدانی پارێزگای هەولێر جێبەجێ دەکرێت، کە پێشتر لەلایەن د. فرسەت سۆفی پارێزگاری کۆچکردووی هەولێرەوە فەرمانی نۆژەنکردنەوەی بۆ دەرچووە، ئێستاش دەستمان بە جێبەجێکردنی پڕۆژەکە کردووە".













باسنیوز