ل دهۆكێ مۆلهت بۆ چێكرنا 19 پرۆژهیێن پیشهسازى هاتیه دان
نازدار عەبدولقادر، رێڤهبهرا گهشهپێدانا پیشهسازی ل پارێزگهها دهۆكێ دیاركر كو: "ئهڤ مۆلهتێن هاتینه دان بۆ چێكرنا 19 پرۆژهیێن پیشهسازى، پتریا وان پرۆژهیێن بهرههمهێنانا كهرهستێن خوارنێ نه، ههموو پرۆژه دێ ژلایێ كۆمپانیێن نافخۆیى ڤه هێنه دروستكرن. پتریا ڤان پرۆژه دێ قهزا زاخۆ و ناحیا فهیدیێ هێنه دروستكرن وئێك پرۆژه ژى دێ ناحیا بامهرنێ هێته دروستكرن، ئهوژى كارگهها داگرتنا فیقى نۆكه مۆلهت پێ هاتیه دان، نۆكه دقوناغیێن چێكرنێ دایه، پرۆژه گهلهك یێ مهزنه دێ بهرههمێ فیقى یێ جۆتیارێن ههرێما كوردستانێ وهرگریت ئهڤه ژى پشتهڤانیا بۆ جۆتیاران دبهردهوام بن ل سهر چاندنا ههموو جۆرێن فیقى ل دهۆكێ".
ئاشكهرا كركو: "سهرهرایی رهوشا كۆرۆنایێ كاركرن و چێكرنا پرۆژهیێن پێشهسازى گهلهك باشبوویه، ههتا نۆكه ل پارێزگهها دهۆكێ 363 كارگههێن ههمه جۆر یێن پیشهسازى هاتینه دانان وبهردهوام كار دهێته كرن بۆ پشتهڤانیا كومپانیان پێخهمهت دانانا كارگههێن پیشهسازى ل سهرانسهرێ دهۆكێ".
باسنیوز
