بەرپرسێ‌ لیژنا پارتی ل ناحیا زوممار دیاركركو ئەڤە چەند رۆژن تیرۆرستێن داعش دەست ب دانانا بۆمبەیان ل سەر جادەیێن ناحیا زوممار كرنە، ئەڤە ئاماژەكا مەترسیدار ژلایێ‌ گرۆپێن تیرۆرستێن داعش ڤە بۆ تێكدانا دەڤەرێ.

حەسەن خەلۆ، بەرپرسێ‌ لیژنا پارتی ل ناحیا زوممار دیار كر كو: "چەكدارێن تیرۆرستێن داعش ب رۆژ دناڤ هێزێن ئەمنی دا ل زوممار كاردكەن ب شەڤێ ژی كارێن خۆ تیرۆرستی ئەنجام دەن. بەلگە ژی بەری دوو شەڤا بۆمبەكا چاندی ژلایێ‌ چەكدارێن تیرۆرستێن داعش ڤە ل نێزیك سایلویا وەلیە ل زوممار هاتبوو دانان لێ‌ نەشیابوون بپەقینن. ئەڤە ئاماژەكا مەترسیدارە ونیشان دەت كو تیرۆرستێن داعش ل زوممار ماینە هەردەمێ‌ دەلیڤە خۆ ببینن دێ‌ كارێن تیرۆرستێ‌ ئەنجام دەن".

ئاشكەرا كركو: "ل زنجیرێن چیایێ‌ زوممار تیرۆرستێن داعش لڤینێ دكەن لێ‌ ئەڤە جارا ئێكی یە نێزیكی زوممار دبن وبۆمبەكی ددانن. ئەڤە وێ‌ دگەهینت شانێن تیرۆرستێن داعش هەنە وب شەڤێ‌ لڤینێ ل دەڤەرا زوممار ئەنجام دەن".

حەسەن خەلۆ، گۆت: "تیرۆرستێن داعش یێن خەلكێ‌ دەڤەرا زوممار ب تنێ ریهێن خۆ چێكرینە وجل وبەرگ داعش داناینە یێن گەهشتینە دەزگەهێن عێراقی وپێدڤیە ڤەكۆلین دگەل داعشان بهێتە كرن وپێرابوون دگەلدا بهێنە وەرگرتن داكو دووبارە كریارێن تیرۆرستێ‌ ئەنجام نەدەن".












باسنیوز