بزووتنەوەی ئەنساروڵڵا (حوسییەکان)ی یەمەن هێرش دەکەنە سەر کۆگایەکی سووتەمەنیی شانشینی عەرەبستانی سعودیە.

هێرشەکە شەوی دووشەممە 23-11-2020 بە مووشەک کراوەتە سەر کۆگایەکی سووتەمەنیی کۆمپانیای ئارامکۆی سعودی لە باکووری شاری جەددە و بووەتە هۆی کەوتنەوەی ئاگرێکی گەورە.

دەسەڵاتدارانی سعودیە رایانگەیاندووە، ئاگرەکە بەهۆی ”هێرشێکی تیرۆریستی“ لە کۆگاکە کەوتووەتەوە و تیمەکانی بەرگریی شارستانی توانیویانە ئاگرەکە بکوژێننەوە.

حوسییەکان بزووتنەوەیەکی شیعەمەزهەبی یەمەنین و کۆماری ئیسلامیی ئێران هاوکاریی ماددی، مەعنەوی و لۆجیستییان دەکات.

لە سەرەتای شەڕی ناوخۆیی یەمەنەوە، کە لە ساڵی 2011 دەستی پێ کرد، حوسییەکان پاڵپشتیی خۆیان بۆ ئۆپۆزیسیۆن راگەیاند و لە مانگی ئەیلوولی 2014ش کودەتایان بەسەر حکوومەتی نوێی وڵاتەکەیاندا کرد و دەستیان بەسەر شاری سەنعای پایتەخت و زۆرینەی ناوچەکانی وڵاتەکەیاندا گرت.







باسنيوز