ل دهۆكێ مۆلەت ب ئەنجامدانا 18 پرۆژەیێن وەبەرهێنانێ هاتییە دان
كوردۆ ئێحسان، رێڤەبەرێ گشتی یێ وەبەرهێنانێ ل پارێزگەها دهۆكێ دیار كر كو: "مۆلەت بۆ 18 پرۆژەیێن وەبەرهێنانێ هاتیە دان. نۆكە دەست بجه ئێنانا وان پرۆژان هاتیە كرن. ژوانا ژی دوو پرۆژەیێن ئاكنجیبوونێ نە وپێنچ پرۆژەیێن پیشەسازی و دوو پرۆژەیێن بازرگانیێ ودوو پرۆژەیێن تەندروستی ودوو پرۆژەیێن گەشتیاری و چەند پرۆژەیێن چاندنێ نە. ئەڤ سالە پرۆژەیێن وەبەرهێنانێ هاتینە دابەشكرن ل سەر هەموو قەزا وناحیێن سنۆرێ پارێزگەها دهۆكێ".
ئاشكەرا كر كو: "ئەنجامدانا ڤان پرۆژەیێن وەبەرهێنانێ دێ هزارەها دەلیڤێن كاركرنێ بۆ خەلكێ دەڤەرێ پەیدابن. ئەم هەموو ئاسانكاریان دكەین بۆ وێ چەندێ پرۆژەیێن وەبەرهێنانێ ل هەموو دەڤەرێن سەر دهۆكێ ڤە بهێنە ئەنجامدان داكو پتر خەلكێ مە ژێ مفادار بیت".
باسنیوز
