پەیامی پیرۆزبایی سەرۆك بارزانی بە بۆنەی دانانی "بابا شێخ"ی نوێی ئێزدیان
لە پەیامەكەدا ھاتووە، "ئومێدەوارم دانانی بابە شێخی نوێ ببێتە ھەوێنی یەكڕێزی و تەبایی لە نێو كۆمەڵگای ئێزدی و ئێزیدخانێدا و ببێتە دەرگای خێر و دەرربازبوون لە ئێش و ئازار و ژیانی ئاوارەیی و كۆتاییھێنان بە فەرمان و جینۆسایدكردنی كوردانی ئێزدیان".
ھەروەھا سەرۆك بارزانی لە پەیامەكەیدا پیرۆزبایی لە بابە شێخ عەلی كرد و ئۆمێدی سەركەوتنی بۆ خواست لە ئەركە نوێیەكەیدا و خزمەتكردنی كۆمەڵگای ئایینی ئێزدیان.
لە كۆتایی پەیامەكەشیدا، سەرۆك بارزانی جەختیكردووە لەسەر پاراستنی تایبەتمەندی ئایینی ئێزدیان و تەواوی پێكھاتەكانی دیكەی كوردستان و دەڵێت: "پێویستە گیانی پێكەوە ژیان و قبووڵكردنی یەكتر لە كوردستان تۆكمەتر بێت".
ئەمەش دەقی پەیامەكەیە:
ب ههلكهفتا دانانا بابا شێخێ نوو یێ ئایینێ ئێزدیان پیرۆزباهیێن گهرم ئاراستهی میر حازم و جڤاتا رۆحانی و ههمو خوشك وبرایێن مه یێن ئێزدی دكهم.
هیڤیدارم دانانا باباشێخێ نوو ببیتە هێڤێنێ ئێكرێزی و تهباییێ دناڤا كۆمهلگهها ئێزدی و ئێزیدخانێدا و ببیته دهرگههێ خێر و دهربازبوونێ ژ ئێش و ئازار و ژیانا ئاوارهیێ و دووماھی ھاتنا فەرمان و جینۆسایدكرنا كوردێن ئێزدی.
پیرۆزباهیهكا تایبهت ل بابا شێخ علی دكهم و هیڤیدارم دئهركێ خوه یێ نوو دا یێ سهركهفتی بیت و خزمهتا جڤاك و ئایینێ ئێزدیان بكهت.
ل دووماهیێ تەئكیدێ ل پاراستنا تایبهتمهندیا ئایینێ ئێزدیان و ههمی پێكهاتێن دی یێن كوردستانێ دكهم و پێدڤیە گیانێ پێكڤە ژیانێ و ئێكدوو قەبولكرنێ ل كوردستانێ موكمتر ببیت.
مسعود بارزانی
18 ی تشرینا دووێ 2020
K24 -
