كۆسرەت رەسول عەلی، سەرۆكی ئەنجوومەنی باڵای سیاسی و بەرژەوەندی ‎یەكێتی نیشتمانی كوردستان پرسەنامەیەکی بۆ کۆچی دوایی د. فرسەت سۆفی، پارێزگاری هەولێر بڵاوکردەوە.

لە ‎پرسەنامەکەدا كۆسرەت رەسول عەلی رایگەیاندووە: "‎دكتۆر فرسەت سۆفی لەئەركی پەرلەمانتاری و پارێزگاری هەولێردا وەك كوردێكی دڵسۆز و لەخۆبردوو ئاوات و ئامانجی خزمەتكردن بوو، لەم پێناوەدا درێغی نەكرد، لەدەستدانی كۆستێكی گەورەیە و هەموومان خەمبار و نیگەرانین بۆین".

دەقی پرسەنامەکە:

بەڕێزان كەسوكار و خانەوادەی د. فرسەت سۆفی

‎بەداخەوە هەواڵی كۆچی دوایی د. فرسەت سۆفی پارێزگاری هەولێرم بیست، دڵگران و خەمباری كردم، هاوبەشی خەمتانم.

‎دكتۆر فرسەت سۆفی لەئەركی پەرلەمانتاری و پارێزگاری هەولێردا وەك كوردێكی دڵسۆز و لەخۆبردوو ئاوات و ئامانجی خزمەتكردن بوو، لەم پێناوەدا درێغی نەكرد، لەدەستدانی كۆستێكی گەورەیە و هەموومان خەمبار و نیگەرانین بۆین.

‎بۆ كۆچی دوایی دكتۆر فرسەت پرسە و سەرەخۆشی خۆم ئاراستەی كەسوكار و خانەوادەكەتان دەكەم، داواكارم لەخوای گەورە جێگای بەهەشت بێت.

‎كۆسرەت رەسول عەلی
‎سەرۆكی ئەنجوومەنی باڵای سیاسی و بەرژەوەندی
‎یەكێتی نیشتمانی كوردستان










باسنيوز