ئیبراهیم عوسمان ماوانی، سه‌رۆكی شاره‌وانی ناحیه‌ی سمیلانی سه‌ر به‌ قه‌زای چۆمان به‌هۆی په‌تای كۆرۆنا كۆچی دوایی كرد.

ئیبراهیم عوسمان ماوانی، ماوه‌ی ته‌نیا دوو مانگ بوو ئه‌ركی سه‌رۆكایه‌تی شاره‌وانی ناحیه‌ی سمیلانی پێدرابوو و به‌ گوته‌ی به‌رپرسانی ناوچه‌كه‌، له‌و ماوه‌ كه‌مه‌دا توانیبووی كاریگه‌ری گه‌وره‌ له‌سه‌ر خزمه‌تگوزارییه‌كان درووست بكات و خه‌ڵكی ناوچه‌كه‌ ئومێدێكی گه‌وره‌یان به‌ كار و هه‌وڵه‌كانیبوو.

دوای ماوه‌یه‌ك له‌ ململانێ له‌گه‌ڵ نه‌خۆشی په‌تای كۆرۆنا، ئێواره‌ی ئه‌مڕۆ ناوبراو به‌هۆی ئه‌و ڤایرۆسه‌وه‌ كۆچی دوایی كرد.
k24 -