بەرێوەبەرایەتی پۆلیسی ئیدارەی گەرمیان دەستگیرکردنی چوارکەسی بە تۆمەتی فرۆشتنی ماسی خراپ راگەیاند.

بەپێی راگەیاندراوێکی پۆلیسی گەرمیان کە تێیدا هاتووە: "ڕۆژی هەینی ڕابردوو بەشی پۆلیسی نەهێشتنی تاوانی گەرمیان لە هەفتە بازاڕ (مەزادخانە)ی کەلار دەستیان گرت بەسەر ١٠٠ کیلۆ ماسی خراپ بوو کە بۆ خواردن شیاو نەبووە و لە دەرەوەی سنوری کەلار هێنرابوون و لە هەفتە بازاڕی کەلار تێکەڵاوی ماسی تەندروستیان کردبوو بەنیازبوون بە هاووڵاتییانی بفرۆشنەوە".

ئەوەش خراوەتە روو، کە لە ئێستادا بەبڕیاری دادوەرو بەپێی مادەی 368 چوار تۆمەتبار دەستگیرکران و سەرجەم ماسیە خراپووەکان ڕادەستی لیژنەی چاودێری قایمقامییەتی کەلار کران و دواتر لەلایەن ئەو لیژنەیەوە لەناوبران.












باسنیوز