نیوەڕۆی ئەمڕۆ كوردانی ئێزدیی نیشتەجێی كەمپی شاریا، گردبوونەوەی ناڕەزاییان پێك هێنا و داوای دەرچوونی پەكەكەیان لە شنگال كرد، كە "بوونەتە مایەی نائارامیی ناوچەكە و ئاوەداننەكردنەوەی".

ئەمڕۆ یەكشەممە 8/11/2020، كوردانی ئێزدیی دانیشتووی كەمپی شاریا لە سنووری پارێزگای دهۆك، گردبوونەوەیەكی ناڕەزایەتییان ئەنجام دا و داوایان كرد كە حزبە ناشەرعییەكانی وەك پەكەكە شنگال چۆڵ بكەن، چونكە بووەتە مایەی نائارامیی ناوچەكە.

ئەوەشیان خستە روو، كە دەیانەوێ بگەڕێنەوە سەر زێد و ماڵ و حاڵی خۆیان و ناوچەكەیان ئاوەدان بكرێتەوە و ئارامی بەرقەرار بێ.

لە بەشێكی دیكەی داواكارییەكانیاندا، سەرنجیان خستە سەر ئەوەی، خاڵەكانی ڕێككەوتنی نێوان هەولێر و بەغدا لە بارەی ئاساییكردنەوەی ڕەوشی شنگال بكەوێتە واری جێبەجێكردنەوە.













باسنيوز