شارەزایەكی سەربازی لە بارەی كردەوەكانی ئەم دواییەی پارتی كرێكارانی كوردستان (پەكەكە) ئاماژە بۆ ئەوە دەكات، دانانی بۆمبی چێندراو و تەقاندنەوەی بۆڕیی نەوت، دەچنە چوارچێوەی كاری تیرۆریستییەوە.

ئەمڕۆ شەممە 7/11/2020، عادل كاكەیی، شارەزای سەربازی ڕايگەیاند، دانانی بۆمبی چێندراو و هەروەها تەقاندنەوەی بۆڕیی نەوت لە لایەن پەكەكەوە، ناچێتە چوارچێوەی تەكتیكی سەربازییەوە، بەڵكوو دەچێتە چوارچێوەی كردەوەی تیرۆریستییەوە.

ئاماژەی بەوە كردووە كە لە خەباتی پێشمەرگەدا، دەتوانرا پێشتر و ئێستەش زۆر كاری وا بەرامبەر دوژمن بكرێ، بەڵام پەنای بۆ نەبراوە و بە خەبات و شەڕی ڕووبەڕوو بەرامبەر نەیاران وەستاوەتەوە.

ئاماژەی بەوەش دا، بوونی گەریلاكانی پەكەكە لەناو خاكی هەرێمی كوردستان سوودی نییە، چونكە خاكی هەرێم شوێنی ئەوان نییە و دەكرا ئەوان لە ناو خاكی باكووربن و بیانتوانیایە گوندێكی باكوور رزگار بكەن، "لە ساڵی 1984ەوە چەكدارییان هەیە، تا ئێستا نەیانتوانیوە ناوچەیەك رزگار بكەن، دیارە كە پەكەكە لە رووی هێزی سەربازییشەوە نەیتوانیوە دەستكەوت بەدەست بهێنێت و ئێستا ئەوان گۆڕەپانەكەی خۆیان چۆڵ كردووە و دێن كێشە بۆ هەرێمی كوردستان دروست دەكەن."











باسنيوز