گوتەبێژی وەزارەتی کارەبای حکوومەتی ھەرێمی کوردستان ڕای گەیاند، پێداچوونەوە بە پشکی کارەبای پارێزگاکاندا دەکەن بۆ ئەوەی سیستەمی دادگەری لە پێدانی بڕە کارەبا بە ھاووڵاتییان پەیڕەو بکەن.

ئەمڕۆ چوارشەممە 4/11/2020، ئومێد ئەحمەد، گوتەبێژی وەزارەتی کارەبا ڕاگەیاند: "لەسەر فەرمانی وەزیری کارەبا، لە ڕێگەی تیمی تایبەتەوە ماوەی چەند ڕۆژێکە دەست کراوە بە لێکۆڵینەوە لە پێدانی ئەو بڕە کارەبا بەرھەمھاتووەی کە دەدرێت بە پارێزگاکان بۆ ئەوەی بزانرێت چەندیان پێویستە و بڕی کارەبای بەرھەمھێنراو بەپێی کاتەکان چەندە".

گوتیشی:" دوای ئەوە بە پێی ئەنجامەکان، ڕێژە و داتاکانی کارەبای بەرھەمھێنراو ڕێک دەخرێنەوە و بە دادپەروەری و یەکسانی لە نێوان شارەکاندا دابەش دەکرێت".








باسنيوز