سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا سه‌ره‌خۆشى له‌ ئومێد خۆشناو، سه‌رۆكى فراكسیۆنى پارتى دیموكراتى كوردستان له‌ په‌رله‌مانى كوردستان كرد.

ئه‌مڕۆ سێشه‌ممه‌ 11/3/2020، به‌هۆى كۆچى دوایی دایكى ئومێد خۆشناو، نێچیرڤان بارزانى، سه‌رۆكى هه‌رێمى كوردستان، له‌ په‌یوه‌ندییه‌كى ته‌له‌فۆنیدا سه‌ره‌خۆشى ئومێد خۆشناو كرد.

نێچیرڤان بارزانى وێڕاى هاوخه‌مى له‌گه‌ڵ بنه‌ماڵه‌ و كه‌سوكارى خوالێخۆشبوو، هیواى خواست خواى مه‌زن گیانى بخاته‌ به‌ر به‌زه‌یى و میهره‌بانیى خۆى و سه‌بووریی هه‌موان بدات، لاى خۆیه‌وه‌ ئومێد خۆشناو سوپاس و پێزانینى بۆ نێچیرڤان بارزانى دووپات كرده‌وه.



باسنیوز