تاقیگەها پشكنینا كۆرۆنایێ ل نەخۆشخانا لالاڤ ل دهۆكێ هاتە ڤەكرن
د. عەلی تەتەر، پارێزگارێ دهۆكێ دپرێس كونفرانسەكێ رۆژنامەڤانێدا دیار كر كو: "ئەڤرۆ تاقیگەهەكا دی بۆ پشكنینا كۆرۆنایێ هاتە ڤەكرن كو ئێكەتیا ئوروپی ب هەڤكاری دگەل رێكخراوا ئایسپۆ ئەڤ تاقیگەها ل نەخۆشخانا لالاڤ یا كۆرۆنایێ دروستكرینە و ئەڤە دەمەكێ درێژ رێكخراوا ئایسپۆ و ئیكەتیا ئوروپا هەڤكاریا دهۆكێ دكەت بۆ بهێزكرنا كەرتی ساخلەمیێ و داخوازی ژهەموو وەلاتیان دكەین هەڤكار بن و پێگیریێ رێنمایێن خۆ پاراستنی بكەن بۆ بەرهەنگاریا نەخۆشیا كۆرۆنایێ ئەم دووپاتی ل سەر بجه ئێنانا رێنمایان دكەین".
ئاشكەرا كر كو: هندەك دەولەتان ل جیهانێ بەربەستێن مەزن بۆ بەرهەنگاریا كۆرۆنایێ داناینە ل هەموو جیهانێ یا زێدەبیت ئەم نەچارین دگەل كۆرۆنایێ بژین لێ پێدڤیە رێنمایان بجه بینن خۆ پارێزین ژ مەترسیا كۆرۆنایێ. مە هەموو قایمقام و رێڤەبەریێن ناحیا ئاگەهداركرینە تیمێن دوڤچوونێ كارابكەن و چاڤدێریێ ل سەر هەموو جهان بكەن وپێرابون دگەل سەرپێچیكاران بهێنە وەرگرتن".
د. نزار عسمەت، رێڤەبەرێ گشتی یێ ساخلەمیا پارێزگەها دهۆكێ ژی د پرێس كونفرانسەكێ رۆژنامەڤانێدا راگەهاند كو: "تاقیگەها پشكنینا كۆرۆنایێ ب پشتەڤانیا رێكخراوا ئایسپۆ ب كوژمێ نێزیكێ دو سەد هزار یورویا هاتە ڤەكرن. رۆژانە دێ پشكنینێ بۆ تووشبوویێن كۆرۆنایێ تێدا هێنە ئەنجامدان. ئەم بەردەوام كاردكەین بۆ ساخلەمیا خەلكێ خۆ لێ پێدڤیە خەلك ژی پتریێ هەڤكار بیت بۆ بجه ئێنانا رێنمایێن ساخلەمیێ".
باسنيوز
