ئەمڕۆ قایمقامیەتی قەزای كەلار، ناوەندی ئیدارەی گەرمیان لەگەڵ لیژنە هەمیشەییەكانی قایمقامیەت كۆبووەوە و بڕیاردرا چاودێریی وردی شوێنە گشتییەكان بكەن و هەركەس رێنوێنییەكانی خۆپارێزی لە پەتای كۆرۆنا جێبەجێ نەكات، سزای توند بدرێ.

هەردی سەركەوت، گوتەبێژی قایمقامیەتی قەزای كەلار، رایگەیاند:" بە ئامانجی جێبەجێكردنی بڕیار و رێنوێنییەكانی وەزارەتی ناوخۆ و ژووری ئۆپەراسیۆنی ئیدارەی گەرمیان، ئەمڕۆ یەكشەممە 1/11/2020، قایمقامی كەلار لە گەڵ لیژنە هاوبەشەكانی قایمقامیەت كۆبووەوە."

گوتیشی: "لە كۆبوونەوەكەدا بڕیار درا بە جێبەجێكردنی بەیانی ژمارە 52ی وەزارەتی ناوەخۆ و بڕیار و رێنماییەكانی ژووری ئۆپەراسیۆنی ئیدارەی گەرمیان تایبەت بە ڕووبەڕووبوونەوەی ڤایرۆسی كۆرۆنا، هەروەها راسپاردنی تیمە جیاوازەكانی لیژنە هاوبەشەكانی قایمقامیەت بە مەبەستی چاودێریكردنی جێبەجێكردنی بڕیار و رێنماییەكان."

راشیگەیاند:" بۆ بەرگرتن لە پەتای كۆرۆنا، تیمەكانی قایمقامیەتی كەلار بەردەوام شوێنە گشتییەكان بەسەردەكەنەوە و هەر كەس رێنماییەكانی خۆپارێزی لە پەتای كۆرۆنا جێبەجێ نەكات، سزا دەدرێ."












باسنیوز