ئەنجوومەنی وەزیرانی هەرێمی کوردستان کۆ دەبێتەوە و تێیدا دوو رەشنووس لەبارەی زیندانیانی سیاسی و بنەماڵەی شەهیدان، تاوتوێ دەکات.

بڕیارە پێشنیوەڕۆی ئەمڕۆ چوارشەممە 28-10-2020 ئەنجوومەنی وەزیرانی هەرێمی کوردستان بە سەرۆکایەتیی مەسرور بارزانی، سەرۆکی حکوومەتی هەرێمی کوردستان، کۆ ببێتەوە.

لە راگەیەندراوێکی فەرمانگەی میدیا و زانیاری لە ئەنجوومەنی وەزیراندا هاتووە، ئەنجوومەنی وەزیران لەو کۆبوونەوەیەدا، دوو رەشنوس لە چوارچێوەی یاسای چاکسازی، تاوتوێ دەکات.

دوو رەشنووسەکە بریتین لە؛

- پەیڕەوی ئیمتیازەكانی زیندانیكراو و گیراوانی سیاسی

- پەیڕەوی دیاریكردنی ماف و ئیمتیازەكانی میراتگرانی شەهیدان

جگە لەو دوو رەشنووسە، ئەنجوومەنی وەزیرانی هەرێمی کوردستان راپۆرتی تایبەت بە جینۆسایدی تاوانەكانی رێکخراوی تیرۆریستی داعش لە ناوچە كوردستانییەكانی دەرەوەی ئیدارەی هەرێمی کوردستان، دەخاتە بەر باس و گفتوگۆ.





باسنيوز