سەرۆکی حکوومەتی هەرێمی کوردستان پێشوازی لە باڵوێزی پۆڵەندا لە عێراق كرد و پەرەپێدانی زیاتری پەیوەندییەکانی پۆڵەندا لەگەڵ هەرێمی کوردستان و عێراق تاوتوێ کرا.

ئەمڕۆ سێشەممە 2020/10/27، مەسرور بارزانی، سەرۆکی حکوومەتی هەرێمی کوردستان، پێشوازی لە مارجن کۆبیاک، باڵوێزی پۆڵەندا لە عێراق کرد، لە دیدارەکەدا پەرەپێدانی زیاتری پەیوەندییەکانی پۆڵەندا لەگەڵ هەرێمی کوردستان و عێراق تاوتوێ کرا.

باڵوێزی پۆڵەندا لە عێراق ئامادەیی وڵاتەکەی نیشان دا بۆ پێشخستنی پەیوەندییەکان لەگەڵ هەرێمی کوردستان، بەتایبەتی لە بواری ئاڵۆگۆڕی بازرگانی و یارمەتیدانی هەوڵەکانی حکوومەتی هەرێمی کوردستان بۆ ڕووبەڕووبوونەوەی پەتای کۆرۆنا.

سەرۆکی حکوومەتی هەرێمی کوردستان ئاماژەی بەوە دا، کە لە چوارچێوەی کارنامەی کابینەی نۆیەمی حکوومەتی هەرێمی کوردستاندا، کار بۆ هەمەجۆرکردنی ئابووری و سەرچاوەکانی داهات دەکەین و گرنگیی زۆر بە کەرتی کشتوکاڵ دەدەین، بە تایبەتی کە هەرێمی کوردستان دەرفەتی ئەوەی هەیە لە بواری کشتوکاڵییەوە ببێتە سەبەتەی خۆراک بۆ هەموو عێراق.













باسنيوز