ب كۆژمێ 36 ملیار دیناران، ژلایێ حكۆمه‌تا هه‌رێما كوردستانێ ڤه‌ كار ل سه‌ر درۆستكرنا جاددا سه‌ره‌كى یا دهۆك بۆ زاخۆ ل ناحیا باتێلێ دهێت كرن و 2 حه‌فتیێن بهێت دێ جادده‌ كه‌ڤیته‌ خزمه‌تا شۆفێران دا.

خه‌دیجا، ئه‌حمه‌د محه‌مه‌د، رێڤه‌به‌را رێك و پرا ل دهۆكێ دیاركر:"ل سالا 2011 په‌سه‌ند ل سه‌ر ڤى كارى هاتبو كرن و ل سالا 2012 كۆمپانیه‌كا تۆركى ب درۆستكرنا جاددێ كربو لێ كار ته‌مام نه‌كربو و دویڤ دا كار بۆ كۆمپانیه‌كا خۆمالى هاتبو پێشكێشكرن و ئه‌ڤ كاره‌ پارچه‌كه‌ ژ جاددا دهۆك زاخۆ و نها دا رێژه‌یه‌كا هه‌ره‌ زۆر كۆ دشێن بێژین 99% كار ل سه‌ر پرۆژه‌ى دوماهى هاتیه‌".

رێڤه‌به‌را رێك و پرا گۆت ژى:"ئه‌ڤ جادده‌ یه‌ ل سنورێ ناحیا باتێلێ یه‌ سه‌ر ب قه‌زا سێمێلێ كۆ به‌شه‌كه‌ ل جاددا گشتى یا دهۆك بۆ زاخۆ ب درێژاهیا 15 كیلۆمه‌تران،

2 قاتێن قێرى دوماهى هاتنه‌ و نها دا قاتێ سیێ یێ قێرى دهێت پێشكێشكرن و 99% كار ل سه‌ر ڤى پرۆژه‌ى هاتیه‌ ئه‌نجام دان كۆ ئه‌ڤرۆ سایده‌كێ هاتن و چوونێ هاتیه‌ ڤه‌كرن و 2 حه‌فتیێن بهێت دى سایدێ دیتر ژى ب ته‌مامى دوماهى هێت".

دۆپات ژى كر:"ئه‌ڤ پرۆژه‌یه‌ دێ ده‌مه‌كێ باش ژ هاتن و چوونا ناڤبه‌را دهۆك و زاخۆ كێم كه‌ت و هه‌لبه‌ت دێ خزمه‌ته‌كا باش بۆ شۆفێران هێته‌ پێشكێشكرن و دێ هه‌ولده‌ین ده‌مێن بهێت جاددێن باشتر و رێكێن ماین كار ل سه‌ر بكه‌ین تا كۆ خزمه‌ته‌كا باش بۆ شۆفێران بهێت پێشكێشكرن".











باسنیوز