بەرێوەبەری ناحیەی زینانە، ئاشكرای كرد هێزی ئاسمانیی فەرەنسا لە سنووری نێوان ناحیەی زینانە و قەزای خورماتوو كەوتوونەتە بۆردمانكردنی پێگە و بارەگا شاراوەكانی تیرۆریستانی داعش.

جەمال سالح، بەرێوەبەری ناحیەی زینانەی سەر بە قەزای كفری، رايگەیاند: "ئەمڕۆ چوارشەممە 14/10/2020، هاوشێوەی دوو رۆژی رابردوو، ناو بەناو هێزی ئاسمانیی فەرەنسا لە ناوچەكانی نێوان ناحیەی زینانەی سەر بە قەزای كفری و سنووری قەزای خورماتوو پێگە و بارەگا نهێنی وشاراوەكانی داعش بە چڕی بۆردومان دەكەن."

ئاماژەی بەوەش كرد، كە "ئەو هێزە پێشتر ئاگاداریان كردینەوە كە پێنج چەكداری داعشیان لە بۆردمانەكانیاندا كووشتووە، بەڵام لەهێرشی ئەمجارەیاندا زانیارییان پێ رانەگەیاندووین، چونكە پاش بۆردومانی ناوچەكە، دەستبەجێ دەگەڕێنەوە بۆ بنكەكانی خۆیان."











باسنيوز