رێڤه‌به‌رێ ناحیا سنوونێ ل قه‌زا شنگال دیاركر، كو داخوازیا خه‌لكێ شنگال یه‌ پێشمه‌رگه‌ بزڤرته‌ شنگال داكو ته‌ناهیى دروست ببیت له‌ورا ژى دچارچووڤێ رێكه‌ڤتنا حكومه‌تا هه‌رێما كوردستانێ و عێراقى دێ خزمه‌ته‌كا مه‌زن بۆ خه‌لكێ مه‌ هێته‌ كرن دبه‌رژوه‌ندیا خه‌لكێ شنگال دایه‌ ".

نایف سه‌یدۆ، رێڤه‌به‌رێ ناحیا سنوونێ ل قه‌زا شنگال راگه‌هاندكو نۆكه‌ هنده‌ك گرۆپێن نه‌شه‌رعیى ل شنگال هه‌نه‌ ده‌نگێ نه‌رازیبوونى بلند دكه‌ن وان نه‌ڤیت ته‌ناهیى ل شنگال دروست ببیت وخه‌لك بزڤرته‌ سه‌ر جهێن خۆ له‌ورا ئه‌و لایه‌ن كار دكه‌ن پشته‌ڤانیى ل مانا وان دناڤ شنگال دا بهێته‌ كرن ئه‌ڤه‌ ژى ناهێته‌ كرن چونكو هه‌موو خه‌لكێ شنگال باش دزانن ته‌ناهیى دروست نابیت هه‌كه‌ گرۆپێن چه‌كدار ل ده‌ڤه‌رى بمینن له‌ورا باشتر پێگریى رێكه‌ڤتنى بكه‌ن شنگال چوول بكه‌ن ئه‌ڤه‌ داخوازیا خه‌لكێ دناڤ كه‌مپان ته‌ناهیى بۆ شنگال ڤه‌گه‌ریت وئاڤه‌دانى بهێته‌ كرن وقانوون سه‌روه‌ر بیت".

ئاشكه‌را كركو هنده‌ك كه‌س و لایه‌نان هه‌نه‌ نه‌ڤین ته‌ناهى ل شنگال دروست بیت چونكو هه‌كه‌ ته‌ناهى دروست بیت و قانوون سه‌روه‌ر بیت ئه‌و كه‌س و لایه‌نێن نۆكه‌ دناڤ شنگال دا نه‌شێن كارى قاچاخچێ بكه‌ن دێ مه‌ره‌مێن وان تایبه‌ت تێك چن له‌ورا هنده‌ك كه‌س و لایه‌ن هه‌نه‌ به‌رده‌وام كار دكه‌ن بۆ تێكڤه‌دانا ره‌وشا شنگال".











باسنيوز