رێڤه‌به‌رێ كارۆبارێن ئێزدیان ل دهۆكێ دیاركركو گرۆپێن چه‌كدار بۆ ئارمانجێن خۆ ل شنگال كار دكه‌ن ودخوازن وارى ئێدارى وسیاسى دا شنگال ژ هه‌رێما كوردستانێ دووربكه‌ن ل ڤێده‌ر دیاربیت گرۆپێن چه‌كدار دخه‌ما خه‌لكێ شنگال دا نینن".

جه‌عفه‌ر سمۆ، رێڤه‌به‌رێ كارۆبارێن ئێزدیان ل دهۆكێ ب سه‌ر رێڤه‌به‌ریا گشتى یا كارۆبارێن ئێزدیان ڤه‌ وه‌زاره‌تا ئه‌وقاف و كارۆبارێن ئاینێ هه‌رێما كوردستانێ دیاركركو:" خێزانیێن زڤیرینه‌ شنگال ژلایێ گرۆپێن چه‌كدار ڤه‌ تووشێ ئاسته‌نگ مه‌زن دبن به‌رده‌وام بۆ تێكدانا ره‌وشا شنگال كار دكه‌ن ئارمانجا وان ئه‌و خه‌لكێ شنگال نه‌ ڤه‌گه‌ریت و ته‌ناهیى و ئاڤه‌دانى ل شنگال دروست نه‌بیت داكو ئه‌و گرۆپ مه‌ره‌مێن خۆ بجه بینن وان دڤیت ناسنامه‌یا ره‌سه‌ن یا ملله‌تى مه‌ یێ ئێزدى به‌رزه‌ بكه‌ن".

گۆت:" ژبه‌ر ره‌فتارێن خراب یێن گرۆپێن چه‌كدار هه‌تا نۆكه‌ پتریا خه‌لكێ شنگال ئاوارانه‌ ل هه‌رێما كوردستانێ دئاكنجیى نه‌ ونه‌شیاینه‌ بچنه‌ شنگال كو چه‌ندێن گرۆپ هه‌نه‌ هه‌موو دبن ئێك سیبه‌رى دا ل شنگال كار دكه‌ن".

ئاشكه‌را كركو ژیانا خه‌لكێ بۆ گرۆپێن چه‌كدار گرنگ نینه‌ مه‌ره‌ما وان پاراستنا ئێزدیان ژى نینه‌ به‌رده‌وام بۆ تێكدانا ره‌وشا خه‌لكێ شنگال كاردكه‌ن ، نۆكه‌ ده‌مێ هاتیه‌ گرۆپێن چه‌كدار ده‌ستان ژ ره‌فتارێن خۆ شاش به‌رده‌ن داكو ئاڤه‌دانى ل شنگال دروست بیت و خه‌لك بزڤرنه‌ سه‌ر جهێن خۆ".










باسنيوز