بەیانی ئەمڕۆ سێشەممە١٣ی١٠ی٢٠٢٠ شاندی وەزارەتی پێشمەرگە لە فڕۆکەخانەی نێودەوڵەتیی هەولێرەوە بەرەو بەغدا بەڕێ کەوتن.

شاندەکەی وەزارەتی پێشمەرگەی حکوومەتی هەرێمی کوردستان کە پێکهاتووە لە لیژنەی باڵای هەماهەنگیی سەربازی و ئەمنیی وەزارەت، بۆ سێ مەبەست دەچنە بەغدا و لە ژووری ئۆپەراسیۆنە ھاوبەشەکان کۆ دەبنەوە.


"بەپێی زانیارییەكان گفتوگۆكان لەسەر سێ بابەتی ستراتیژی دەبن لەوانە یەكەم دامەزراندنی ناوەندی هەماهەنگی لە نێوان ئەفسەرانی هێزەكانی پێشمەرگە و سوپای عیراق و دامەزراندنی هێڵی هاوبەشی بەرگری لە نێوان هێزی پێشمەرگە و وەزارەتی بەرگریی عێراق کە کاریان بەڕێوەبردنی ئۆپەراسیۆنی ھاوبەشی سەربازی دژی داعش دەبێت".

بەپێی زانیارییەکان ئەو سێ تەوەرانە لە کۆبوونەوەی شاندی نێوان وەزارەتی پێشمەرگە و وەزارەتی بەرگریی عێراق بۆ سنووری ھەر سێ پارێزگای كەركووك و دیالە و نەینەوا دەبێت.

ئەم گفتوگۆ و دانوستانەی نێوان وەزارەتی پێشمەرگە و سوپا و وەزارەتی بەرگریی عێراق، ماوەی دوو ساڵە دەستیان پێ کردووە.







باسنيوز