پەرلەمانتارێكی كوردستان دووپاتی دەكاتەوە هەنگاوەكانی سەرۆكی حكوومەتی هەرێمی كوردستان بووەتە هۆكاری بەهێزبوونی پەیوەندیی نێوان پەرلەمان و حكوومەت، هاوكات دەرخەری ئەو راستییەیە كە سەرۆكی حكوومەت بە هەموو توانایەكییەوە كار بۆچاكسازی دەكا.

ئەمڕۆ پێنجشەممە 8/10/2020، گوڵیزار رەشید سندی، ئەندامی پەرلەمانی كوردستان، رایگەیاند: "چوونی مەسرور بارزانی، سەرۆكی حكوومەتی هەرێمی كوردستان بۆ پەرلەمانی كوردستان و مانەوەی بۆ ماوەی زیاتر لە 10 كاتژمێر، دەرخەری ئەو ڕاستییەیە كە سەرۆكی حكوومەتی هەرێمی كوردستان سوورە لەسەر چاكسازی و بەكردار هەنگاوی بۆ دەنێ."

گوتیشی:"ئەو هەنگاوەی سەرۆكی حكوومەتی هەرێمی كوردستان، هەماهەنگی و پەیوەندیی نێوان پەرلەمان و حكوومەت زیاتر بەهێز دەكات و دەبێتە هۆكارێك بۆ دروستبوونی متمانەی زیاتر لە نێوان حكووومەت و پەرلەمان.

رۆژی پێنجی ئۆكتۆبەری 2020، مەسرور بارزانی، سەرۆكی حكوومەتی هەرێمی كوردستان، بۆ وەڵامدانەوەی پرسیاری پەرلەمانتاران و خستنەڕووی هەنگاوەكانی چاكسازی، بۆ ماوەی 10 كاتژمێر لە پەرلەمانی كوردستان مایەوە وەڵامی پەرلەمانتارانی كوردستانی دایەوە.













باسنیوز