سەرۆک بارزانی پرسەنامەیەک بەبۆنەی کۆچی دوایی ئایەتوڵڵایەکی شیعەی عێراقی، بڵاو دەکاتەوە.

لە پرسەنامەکەدا، کە ئەمڕۆ یەکشەممە 27-9-2020 بارەگای بارزانی بڵاوی کردووەتەوە و ئاراستەی عەمار حەکیم، سەرۆکی رەوتی حیکمە کراوە، سەرۆک مەسعود بارزانی سەرەخۆشی لە بنەماڵەی ئال حەکیم دەکات.

رۆژی شەممە 26-9-2020، ئایەتوڵڵا محەمەد حوسێن حەکیم، گەورەی بنەماڵەی حەکیم لە شاری نەجەف، کۆچی دوایی کرد.

دەقی پرسەنامەکەی سەرۆک بارزانی:

بە ناوی خودای بەخشندە و میهرەبان

بەڕێز سەماحەتی عەماڕ ئەلحەکیم

بە داخەوە هەواڵی کۆچی دوایی عەللامە ئایەتوڵای عوزما سەید محەمەد حوسەین ئەلحەکیم، گەورەی بنەماڵەی ئال حەکیم-مان پێگەیشت.

پرسەو سەرەخۆشی خۆمانتان پێ رادەگەیەنین و هاوبەشی خەمتانین، لە خوای مەزن داواکارین خوالێخۆشبوو بە بەهەشتی بەرین شاد بکات و، سەبرو ئارامی بە جەنابتان و ئال حەکیم ببەخشێت.

انا لله وانا اليه راجعون

براتان

مسعود بارزانی

27 ی ئەيلوولی 2020











باسنيوز