ئەندامێكی سەركردایەتیی پارتی دیموكراتی كوردستان، بەبێ ئەوەی ناو بهێنێت، لە پۆستێكدا نووسیویەتی: ”ئەو زماندرێژەی پارەی پرسەی خەزووری خۆی دزی، دەبێ بدرێتە دادگا“.

عەلی عەونی، ئەندامی سەركردایەتیی پارتی و بەرپرسی لقی زاخۆی ئەو حزبە، لە پێگەی خۆی لە تۆڕی كۆمەڵایەتیی (فەیسبووك) بڵاوی كردەوە: ”لە ساڵیادی ڕیفراندۆمدا، دەبێ ئەو زماندرێژانەی پارەی تازییەی خەزووری خۆیان دزی، بدرێنە دادگا“.

هەروەها ئاشكرای كردووە كە مەبەستی لە نووسینەكەی، ئەو كەسەیە كە ”دەفتەرێک دۆلاری خەرجیی پرسەی خەزووری خۆی دزی و دواتر لێی ئاشکرا بوو، بەڵام چونکە حەیای نەبوو، ئابڕووی نەچوو“.

ئەم نووسینەی عەلی عەونی و باسكردنی لە دادگاییكردن و ساڵیادی ڕیفراندۆم لە كاتێكدایە كە لە چەند رۆژی رابردوودا، ئارێز عەبدوڵا، ئەندامی سەركردایەتی یەكێتی، لە دوایین چاوپێكەوتنیدا داوای كردبوو، ئەوانەی ڕیفراندۆمیان بۆ سەربەخۆیی كوردستان كردووە، دادگایی بكرێن.













باسنيوز