پشتى په‌یدابوونا په‌تایا كۆرۆنایێ، ب بریارێن ژوورا ئۆپه‌راسیونا پارێزگه‌ها دهۆكێ، هۆلێن شه‌هیانان ل پارێزگه‌ها دهۆكێ بۆ ده‌ما چه‌ند هه‌یڤان هاتبون گرتن، ئه‌ڤرۆ ب فه‌رمى بریارا ڤه‌كرنا وان هات دان.

ئیرۆ چارشەمبێ 23/9/2020، بهائه‌دین ده‌شتانى، نوینه‌رێ خۆدانێن هۆلێن شه‌هیانا گۆت:" ل پارێزگه‌ها دهۆكێ زێده‌تر ژ 180 هۆلێن شه‌هیانان هه‌نه‌ و نێزیكى 4 هزار كه‌سان د نااڤ ئه‌ڤان هولاندا كار دكر، ژ پێخه‌مه‌ت ڤه‌كرنا وان دوو رۆژێن بورىدا مه‌ خرڤه‌بونه‌كا ئاشتییانه‌ ل به‌ر ده‌رگه‌هێ ئاڤاهیێ پارێزگه‌ها دهۆك ئه‌نجام دا بوو تا كۆ ئه‌م شیاین دگه‌ل پارێزگارێ دهۆكێ پاخڤفین و گازندێن خۆ بگه‌هینێ و پارێزگارى سوز دا بو هه‌ر یا پێتڤى بیت بهێت ئه‌نجام دان و ئه‌ڤرۆ ب فه‌رمى ژ ژوورا ئوپه‌راسیونا دهۆكێ بریارا ڤه‌كرنا هولێن شه‌هیانان ده‌ركه‌فتیه‌".

ئه‌و چه‌نده‌ ژى دیار كر:" هه‌لبه‌ت بۆ ڤه‌كرنا هۆلێن شه‌هیانان چه‌ندین پێرابونێن ساخله‌میێ و خۆ پاراستنێ دێ ژلایێ خۆدانێن ئه‌ڤان هۆلان ڤه‌ هێنه‌ ئه‌نجام دان و ئه‌م دخازین كار بكه‌ین و كاركرنا مه‌ لدیڤ پێرابونان بیت.












باسنیوز