بەڕێوەبەرایەتیی پۆلیسی پارێزگای هەولێر، بەشی پۆلیسی نەهێشتنی تاوان – نووسینگەی ڕۆژهەڵات ئاشکرای کردووە دوو كەسی بە ڕەگەز سوورییان بە تۆمەتی دزینی 11 مۆبایلی زیرەك دەستگیر كردووە.

بەپێی ڕاگەیاندراوێک کە به‌ڕێوه‌به‌رایه‌تیی پۆلیسى پارێزگاى هه‌ولێر بڵاوی کردووەتەوە، ئەو دوو تۆمەتبارە بە ناوەكانی (ش.ع.ق) و (ح.ع.ی) کە خەڵکی سووریان، لە چەند گەڕەكێكی جیاوازی شاری هەولێر بە ماتۆڕسكیل مۆبایلی زیرەكیان لەدەست منداڵان ڕفاندووە و لێیان دزیون.

هەردوو تۆمەتبارەکە لەلای پۆلیس دانیان ناوە بە تاوانەكەیاندا، بۆیە پەڕاوی لێكۆڵینەوەیان بۆ رێك خراوە و بە بڕیاری دادوەر و بەپێی ماددە (446) لە یاسای سزادان، راگیران و دراونەنە دادگا.

بەڕێوەبەرایەتیی پۆلیسی پارێزگای هەولێر، هاووڵاتیان ئاگادار دەكاتەوە، هەر كەسێك دزیی هاوشێوەی لێ كراوە و مۆبایل لە منداڵەكانی دزراوە، بە مەبەستی تۆماركردنی سكاڵا، سەردانی بەشی پۆلیسی نەهێشتنی تاوان – نووسینگەی رۆژهەڵات بكات.












باسنيوز