فراکسیۆنی پارتی لە پەرلەمانی کوردستان راگەیاندراوێکی لەبارەی کوژرانی خێزانە کوردەکەی بەغدا بڵاو کردەوە و تێیدا داوای سزای توند بۆ بکوژانی ئەو خێزانە دەکات.

فراکسیۆنی پارتی لە پەرلەمانی کوردستان لە راگەیاندراوەکەیدا وێڕای سەرەخۆشی لە کەسوکار و خزمانی ئەو خێزانە کوردەی شاری بەغدا، کە شەوی ڕابردوو لە گەڕەکی مەنسوور شەهیدکران، ئیدانەی ئەو تاوانە قێزەوەنە دەکات.

هەروەها فراکسیۆنی پارتی داوا لە دەزگا ئەمنییەکانی عێراق دەکات بکوژانی ئەو خێزانە بە زووترین کات رادەستی دادگا بکات و پێویستیشە دادگا بە توندترین شێوە سزایان بدات.

هەر لە راگەیاندراوەکەدا فراکسیۆنی پارتی داوا دەکات هێزە ئەمنییە عێراقییەکان سەر و ماڵی هاووڵاتییانی کورد و هەموو پێکهاتەکانی دیکە بپارێزن.











باسنيوز