بەڕێوەبەرایەتیی تەندروستیی پارێزگای دهۆک رایگەیاند، 211 تووشبووی دیکەی کۆرۆنا لە سنووری پارێزگاکە چاکبوونەتەوە، بەمەش کۆی گشتیی ئەو تووشبووانەی تاوەکو ئێستا چاکبوونەتەوە گەیشتە دوو هەزار و 942 کەس.

بەپێی ئەو ئامارانەی بەڕێوەبەرایەتیی تەندروستیی دهۆک بڵاویکردوونەتەوە، ئێستا لە سنووری پارێزگاکە چوار هەزار و 966 تووشبووی کۆرۆنا ماون.

بەپێی ئامارەکانی وەزارەتی تەندروستیی هەرێمی کوردستان، لە دهۆک تاوەکو ئێستا هەشت هەزار و 38 تووشبووی کۆرۆنا دەستنیشانکراون، 130 تووشبوویان گیانیان لەدەستداوە.

لە هەرێمی کوردستانیش 37 هەزار و 907 تووشبووی کۆرۆنا دەستنیشانکراون، 24 هەزار و 27 تووشبوویان چاکبوونەتەوە و هەزار و 391 تووشبووش گیانیان لەدەستداوە.

rudaw