بەپێی زانیاریی ڕاگەیاندنی بەڕێوەبەرایەتیی هاتوچۆی هەولێر، پێشنیوەڕۆی ئەمڕۆ بەهۆی ڕووداوێکی هاتوچۆ لە نێوان پێنج ئۆتۆمبێل لەسەر ڕێگەی کەسنەزان هەولێر، نۆ کەس بریندار بوون.

لەمبارەوە فازڵ حاجی، گوتەبێژی بەڕێوەبەرایەتیی هاتوچۆی هەولێر لە پێگەی خۆی لە تۆڕی کۆمەڵایەتیی (فەیسبووک) بڵاوی کردووەتەوە: "كاتژمیر 30و10ی سه‌رله‌به‌یانی ئه‌مڕۆ یەکشەممە له‌سه‌ر ڕێگای سه‌ره‌كیی هه‌ولێر كه‌سنه‌زان و له ‌نزیك ماجدی مۆڵ رووداوێكی هاتوچۆ له ‌نیوان 5 ئۆتۆمبێلدا کەوتەوە و ‌له‌ ئه‌نجامی رووداوه‌كه‌ 9 كه‌س بریندار بوون و ه‌زیانیكی زۆری مادیش بەر ئۆتۆمبێلەکان كه‌وتووه".

‌ ئاماژەی بەوەش کردووە: "‌هۆكاری كه‌وتنه‌وه‌ی ڕووداوه‌كه‌ هه‌وڵێكی ڕێڕەوگۆڕینی له‌ناكاو بو لەلایه‌ن شۆفێری "كامرییە‌كی تایبه‌ت" كه ‌له ‌ئه‌نجامی هه‌وڵی ڕێڕەوگۆڕینه‌كه‌ش خۆی كێشاوە به ‌كیایه‌كی بارهه‌ڵگری بچووك كه‌له ‌ته‌نیشتییه‌وه‌ ده‌ڕۆیشت و ‌له‌ ئه‌نجامدا ئۆتۆمبێلی کیاکە كۆنترۆلی له‌ده‌ست داوە و چوووەتە سایدی تری شه‌قام و ‌پاش ئه‌وه‌ی به‌سه‌ر دورگه‌ی ناوه‌ندی شه‌قام كه‌وتبوو و ‌له‌ودیویش خۆی كیشاوە به ‌كرۆلایه‌كی تاكسی و "بی وای دی"یەکی تایبه‌ت ‌و ‌دواتر خۆی كیشاوە به‌ ئوتومبیلیكی وه‌ستاو له‌ناو گه‌راجێک ئینجا وه‌ستاوە".

فازڵ حاجی ئاماژەی بەوەش داوە: "لە ئەنجامی ئەو پێکدادانە‌ له‌ناو ئۆتۆمبێلە "بی وای دی"یە‌كه‌ شۆفێر و 5 سه‌رنشین هه‌بوون بریندار بوون و له‌ناو تاكسییه‌كه‌ش شۆفێر و سه‌رنشینێك بریندار بوون و ‌شۆفێری كیاکەش بریندار بووە".











باسنيوز