سه‌رپه‌رشتى چاره‌سه‌ركرنا زارۆكێن تووشبوویێن كۆرۆنایێ ل دهۆكێ دیاركركو هه‌تا نۆكه‌ ل دهۆكێ 488 زارۆك یێن تووشى كۆرۆنایێ بووین لێ ره‌وشا وان مه‌ترسیدار نینه‌".

د. ئازاد عه‌بدولجەبار، سه‌رپه‌رشتى چاره‌سه‌ركرنا زارۆكێن تووشبوویێن كۆرۆنایێ ل دهۆكێ دیاركركو: "كۆرۆنا هه‌ر زوو ل زارۆكان ده‌ركه‌فت ل پارێزگه‌ها دهۆكێ تیمه‌ك بۆ چاڤدێرى و چاره‌سه‌ركرنا زارۆكێن تووشێ كۆرۆنایێ دبن هاتیه‌ پێك ئێنان. ل دهۆكێ 488 زارۆك تووشێ كۆرۆنایێ بووینه‌ پتریا وان چوو نیشان ده‌ڤ نینن، ژێده‌رێ تووشبوونا زارۆكان ژى ژ خێزانێن وان بخۆ نه.‌ كه‌سه‌كێ مه‌زن دمال دا یێ تووشى كۆرۆنایێ بووى زارۆك یێن هه‌مبێزكرین دئه‌نجامدا زارۆك ژى یێ تووشى كۆرۆنایێ بوویە".

ئاشكه‌را كركو هنده‌ك زارۆكێن تووشبوو، نیشانین وان سڤكن وهنده‌ك حاله‌ت ژى هه‌نه‌ زارۆك گه‌له‌ك تووشى زكچوونێ دكه‌ن ئه‌ڤه‌ یا مشه‌ لێ هه‌تا نۆكه‌ هیچ زارۆكه‌كێ ژبه‌ر كۆرۆنایێ گیانێ خۆ ژ ده‌ست نه‌دایه‌".

د. ئازاد گۆتژى:" ئه‌و زارۆكێن ئێشێن دلى ونه‌خۆشیا شه‌كرى وئێشێن میلاك و گولچیسكا هه‌نه‌ ئه‌ڤه‌ ده‌مێ تووشى كۆرۆنایى بن ره‌وشا وان تێك دچیت. هه‌تا 15 زارۆكان پێدڤى ئوكسجینى بووینه‌ ژبه‌ر ڤان نه‌خۆشیان دووڤدا ره‌وشا هه‌موویان باش بوویه‌".

ئه‌وژى راگه‌هاند كو سیسته‌مێ به‌رگیریا لاشێ زارۆكێ ژ مرۆڤێن مه‌زن بهێزتره‌ هه‌كه‌ میكرۆبه‌ك بهێته‌ ناڤ لاشێ زارۆكێ دا سیسته‌مێ به‌رگیریا زارۆكێ بۆ وێ میكروبێ بهێزتره.‌ ئه‌و جهێن ڤایرۆس خۆ پێڤه‌ دگرت ناڤ هه‌ناسه‌ زارۆكێ دا كێمە.











باسنیوز