پشتی بۆرینا 5 ھەیڤان ژ گرتنا دەرگەھێ پەرستگەھا لالش وەکە ھەر جھەکێ دی یێ ئاینی ژ پێخەمەت پاراستنا گیانێ خەلکێ ژ پەتایا کۆرۆنایێ، جارەک دی دەرگەھێ لالشێ ھات ڤەکرن.

لوقمان سلێمان، بەرپرسێ نڤیسینگەھا راگەھاندنێ ل پەرستگەھا لالش دیار کر: "ل ھەیڤا 3 یا ئەڤ سالە ب بریارا وەزارەتا ناڤخۆ یا حکومەتا ھەرێما کۆردستانێ، دەرگەھێ پەرستگەھا لالش ژی مینا جھێن دیتر یێن ھەرێمێ ھاتبوو گرتن. ئەم ب ھەمی رەنگەکێ پێگیر بووین ب رێنمایان و دلخۆشین رۆژێن بۆری دا جارەک دی دەرگەھێ پەرستگەھا لالش ھات ڤەکرن".

بەرپرسێ نڤیسینگەھا راگەھاندنێ ل پەرستگەھا لالش بۆ( باسنیوز) گۆت ژی: "رۆژانە زێدەتر ژ 100 کەسان سەرەدانا پەرستگەھا لالش دکەن قەزا شێخان و د ھەمان دەمێ سەرەدانکرنێ دا خەلکێ مە پێگیرە ب رێنمایێن حکومەتا ھەرێما کۆردستانێ و دەستگۆرک و ماسک دھێنە بکار ئینان و گۆتژی:" دخازێن خەلک بەردەوام پێگیریێ ب رێنمایان بکەن تا کۆ مەترسی ل سەر ساخلەمیا وان پەیدا نەبیت".














باسنیوز