به‌ریا دوو سالان، 5 رێڤه‌به‌رێن گشتى ل پارێزگه‌ها دهۆكێ هاتبوونه‌ گهۆرین و ژڤانه‌ ئه‌ڤێ حه‌فتیێ 6 رێڤه‌به‌ریێن دیتر ژى گهۆرین ل سه‌ر دا بهێن خوار و هند رێڤه‌به‌رێن نوى ده‌ستبكار بن و د پلانێ دا هه‌یه‌ كوردێن ئێزدى ژى ژ وه‌رگرتنا رێڤه‌به‌ریێن نوى مفادار بن.

بێریڤان سه‌لیم، جێگرا سه‌رۆكێ ئه‌نجۆمه‌نێ پارێزگه‌ها دهۆكێ دیار كر: "پارێزگه‌ها دهۆكێ ب پارێزگه‌ها پێكڤه‌ ژیانێ هاتیه‌ ناسكرن و هه‌مو ئایین ل ناڤا ئه‌ڤێ پارێزگه‌هێ دا پێكڤه‌ ژیانێ ده‌رباز دكه‌ن و هه‌لبه‌ت د حكۆمه‌تا خۆجهیدا پارێزگه‌ها دهۆكێ ژى هه‌مو لایه‌نه‌ك ژ هه‌ر ئاینه‌كێ پشكداره‌ و د ده‌مێن بۆرى دا وه‌ك پێتڤى كوردێن ئێزدى ژ وه‌رگرتنا پۆستێن كارگێرى مفادار نه‌بوونه‌".

جێگرا سه‌رۆكێ ئه‌نجۆمه‌نێ پارێزگه‌ها دهۆكێ ئه‌و چه‌نده‌ ژى دوپات كر: "ژڤانه‌ ئه‌ڤێ حه‌فتیێ كۆ رۆژا سێ شه‌مبى ژلایێ ئه‌نجۆمه‌نێ پارێزگه‌ها دهۆكێ جاره‌ك دى كۆمبونه‌كا فه‌رمى بهێته‌ ئه‌نجام دان و ژڤانه‌ 6 رێڤه‌به‌رێن گشتى یێن نوى بهێنه‌ دیاركرن و هه‌لبه‌ت كوردێن ئێزدى لدیڤ رێژه‌یا خه‌لكێ خۆ دێ مفادار بن و ژ دیاركرنا وان رێڤه‌به‌رێن نۆى، كوردێن ئێزدى دێ ژ وه‌رگرتنا رێڤه‌به‌رییان مفادار دبن".

لدیڤ پێزانینێن ب ده‌ست باسنیوز كه‌فتین، رێڤه‌به‌ریا گه‌شت و گۆزارا پارێزگه‌ها دهۆكێ بۆ كوردێن ئێزدى هاتیه‌ دیاركرن و ژڤانه‌ كورده‌ك ئێزدى وه‌كه‌ رێڤه‌به‌رێ گشتى یێ گه‌شت و گۆزارا پارێزگه‌ها دهۆكێ ده‌ست ب كار ببیت.











باسنیوز