بەرپرسێ‌ نڤیسێنگەها رەوشەنبیری و راگەهاندنا لقێ‌ 17 پارتی ل شنگال دیار كر كو خەلك حەز دكەن دوبارە ژ شنگال ئاوارە بن بزڤرنە كەمپان. ئەم دوور نابینن هەكە رەوشا شنگال ب ڤێ‌ شێوەیێ‌ خراب بمینت دێ‌ خەلكێ‌ شنگال دوبارە ئاوارە بن، دێ‌ شنگال بەرەڤ قوناغەكا خراپتر ڤە چێت.

ئیدریس زۆزانی، بەرپرسێ‌ نڤیسینگەها رەوشەنبیری و راگەهاندنا لقێ‌ 17 پارتی ل شنگال دیار كر كو: "دۆرێن 2900 خێزانێن ئاوارە یێن چووینە شنگال. ئەوژی هەموو فەرمانبەر و لەشكەر بوون یێن سەر بەغدا ڤە ژبەر كۆرۆنایێ‌ نەشیان هاتن وچوونێ‌ بكەن، لەورا مالێن خۆ برنە شنگال. گەلەك ژوان خێزانان ژبەر تێكدانا رەوشا شنگال ژلایێ‌ پەكەكێ‌ ڤە پەشیمان بووینە خەلك پەیوەندی ب مە دكەن وحەز دكەن دوبارە ئاوارە بن بزڤرنە كەمپان".

سەعدون قۆلۆ، ئەندامێ‌ دەستەیا راگەهاندنا مالا ئێزدیان ل قەزا شنگال دیار كر كو: "دووبارە ئاوارەبوونا خەلكێ‌ شنگال دهێتە چاڤەرێكرن ژبەر مانا پەكەكێ‌ ل شنگال بتایبەتی ژی ل گوند و كومەلگەهێن قوبێلەتی شنگال هەتا نۆكە خەلك نەشێن ڤەگەرن وان دەڤەران و هەكە ژبەر پەكەكێ‌ شەر ل شنگال رووبدەن خەلكێ‌ شنگال دێ‌ دووبارە ئاوارە بن و جارەكا دێ‌ نازڤرنە شنگال".

ئەندامێ‌ دەستەیا راگەهاندنا مالا ئێزدیان ل قەزا شنگال گۆتژی: "پێدڤیە بەرێ‌ خەلكێ‌ شنگال ڤەگەرنە سەر مال و حالی خۆ پەكەكە شنگال چوول بكەت چونكو هەكە ل شنگال بمینن خەلك هەموو نەشێن ڤەگەرن".













باسنیوز