قایمقامی قەزای سۆران رایدەگەیەنێت کە لە ماوەی دوو رۆژی رابردوو ٤١ کەسی دیکە لە سنووری سۆران تووشی ڤایرۆسی کۆرۆنا بوونە.

کرمانج عیزەت، قایمقامی سۆران، رایگەیاند: "لە ٤٨ کاتژمێری رابردوودا لە سنووری سۆران لە کۆی ١٨٠ پشکنین ئەنجامی ٤١یان پۆزەتیف بوونە واتا تووشبووی ڤایرۆسی کۆرۆنان".

ئاشکراشیکرد کە تووشبووەکان دوو لە ڕواندز، یەک خەلیفان، یەکێکی دیکەش لە سیدەکان - کەژەک، ئەوانی تر لە ناو سۆرانن، لە گەڕەکەکانی جوندیان، دیانا، نەھری، زۆزک، قەندیل، شۆڕش، گوڵان، ھەرێم، بەختیاری، بارزان، خەبات، بانە، برایەتی.












باسنيوز