بەڕێوەبەری پۆلیسی فریاكەوتنی كەركووك ڕایگەیاند، کە بەهۆی تەقینەوەی بۆمبێكی چێندراو لە شاری كەركووك پێنج كەس برینداربوون.

عەقید مازن غەریب، بەڕێوەبەری پۆلیسی فریاكەوتنی كەركووك، ڕایگەیاند: "ئێوارەی ئەمڕۆ یەكشەممە 23ی8ی2020، لەگەڕەكی ڕاپەرین (قادسییە)ی شاری كەركووك، لەناو یەكێك لە خێوەتی شیعەكان كە بەهۆی مانگی موحەڕەمەوە ئەو خێوەتەیان دانابوو، بۆمبێكی چێندراو تەقیەوە".

گوتیشی: "لە ئەنجامدا پێنج هاووڵاتیی برینداربوون و پۆلیسیش لە بارەی ئەو تەقینەوە دەستی بە لێكۆڵینەوە كردووە".













باسنیوز