مەلا مستەفا بارزانی، هاوكات له‌گه‌ڵ ساڵیادی له‌دایكبوونی سه‌رۆك مه‌سعود بارزانی و دامه‌زراندنی پارتی دیموكراتی كوردستان ئه‌مڕۆ به‌شداری له‌ رێوڕه‌سمی به‌گه‌ڕخستنی وێستگه‌ی 33 كه‌ی ڤیی شێروان مه‌زنی كرد و رایگه‌یاند، "من دڵنیام پشت بە خوا و ئیرادەی بەهێزی حکومەتی هەرێمی کوردستان و کەسانی خەمخۆری ئەم وڵاتە داهاتوویەکی گەش بۆ کوردستانی بەهێزمان لە پێشە".
له‌و باره‌یه‌وه‌، مه‌لا مسته‌فا بارزانی، له‌ وتارێكدا رایگه‌یاند، "کردنەوەی ئەم وێستگەیە لەم کات و ساتەدا دەستکەوتێکی گەورەی حکومەتی هەرێمی کوردستان و لەلایەکی تر پڕۆژەیەکی گرنگە بۆ باشتر کردنی دۆخی کارەبا لە دەڤەری بارزان و خزمەتێکی شایانی خەڵکی دڵسۆز و بە ئەمەکی ئەم دەڤەرە خۆڕاگرەیە".
هه‌روه‌ها نووسیویه‌تی: "کەوتنە کاری ئەم وێستگەیە دەبێتە هۆی ئەوەی دانیشتووانی هەردوو ناحیەی شێروان مەزن و پیران سەر بە قەزای مێرگەسۆر لە رووی پێدانی کاتژمێرەکانی کارەبا و لە رووی بەرزبوونەوەی ڤۆلتییەی کارەبا سوودمەند ببن و هەروەها دەبیتە هۆکاری کەم بوونەوەی ئەو لۆد و پاڵەپەستۆیەی کە لە ئێستادا لە سەر وێستگەی کارەبای (33 کەی ڤی) مێرگەسۆر هەیە".




rudaw