لە ئەنجامی دەستڕێژی هێزە ئەمنییەکانی ئێران بۆ سەر کاروانێکی کۆڵبەران، لە سنووری پارێزگای ورمێ، کۆڵبەرێک کوژراوە و دوو کۆڵبەری دیکەش بریندار بوون.

بەپێی هەواڵی ڕێکخراوی (هەنگاو) بۆ مافەکانی مرۆڤ، سەرلەبەیانی ئەمڕۆ شەممە 2020.8.15 هێزە چەکدارەکانی ئێران لە کوێستانی گوندی (کوران)ی ورمێ تەقەیان لە کاروانێکی کۆڵبەران کردووە و کۆڵەبەرێک گیانی لەدەست داوە و دوو کۆڵبەری دیکەش بریندار بوون.

بەهۆی تەقەی هێزە چەکدارەکانی ئێران، کۆڵبەرێک بە ناوی "سیراج ئەحمەدی" تەمەن ٣٧ ساڵ کوژراوە و تا ئێستا ناسنامەی ئەو دوو کۆڵبەرەکەی دیکە کە بریندا کراون ڕوون نەبووەتەوە.

بە پشتبەستن بە ئاماری تۆمارکراو لە ناوەندی ئامار و بەڵگەنامەکانی ڕێکخراوی مافی مرۆڤی هەنگاو، مانگی ڕابردوودا لە سنوورەکانی مەریوان، بانە، نەوسوود، چاڵدێران و ئورمیە 6 کۆڵبەر کوژراون.









باسنيوز