بەڕێوەبەرایەتی پۆلیسی راپەڕین رایگەیاند، شوانێک بە برینداری گەیەندرایە نەخۆشخانە کە بەوتەی خۆی کاتێک خەوی لێکەوتوە رانە مەڕەکەی سنورەکانی ئێرانیان بەزاندوە و دوای ئەوەی خەبەری بوەتەوە ویستویەتی بچێت بیانهێنێتەوە، بەڵام لە لایەن هێزە چەکدارەکانی ئێران تەقەی لێکراوە و بەو هۆیەشەوە بریندار بوە.

بەڕێوەبەرایەتی پۆلیسی راپەڕین لە راگەیەندراوێکدا بڵاویکردەوە، بریندارێک بەناوی (ج . ش . ح ) لەدایکبوی ساڵی 1986 پیشەی کاسب، دانیشتوی گوندی (توەسوران) سەر بە ناحیەی سەنگەسەر ـ قەزای پشدەر ( قەڵادزێ) گەیەندرایە نەخۆشخانەی گشتی قەڵادزێ کە شوێنەواری دو گوللە بەسەر جەستەیەوە هەیە.

لە لایەن هێزە چەکدارەکانی ئێران تەقەی لێکراوە و بەو هۆیەشەوە بریندار بوە

ئاماژەی بەوەشکردوە، بە وتەی خۆی "لە بناری قەندیل شوان بوە و کاتێک خەوی لێکەوتوە ڕانە مەڕەکەی سنورەکانی ئێرانیان بەزاندوە و دوای ئەوەی خەبەری بوەتەوە ویستویەتی بچێت بیانهێنێتەوە، بەڵام لە لایەن هێزە چەکدارەکانی ئێران تەقەی لێکراوە و بەو هۆیەشەوە بریندار بوە".

بەڕێوەبەرایەتی پۆلیسی راپەڕین باسی لەوەشکردوە، دوایی فریاگوزاری سەرەتایی لە نەخۆشخانە خرایە ژێر چاودێری و باری تەندروستی جێگیرە، دۆسیەی لێکۆڵینەوە بۆ روداوەکە کراوەتەوە و لێکۆڵینەوەش بەردەوامە.





خەندان