پشتی کۆ ژوورا ئوپەراسیونا بەرھنگاربوونا پەتایا کۆرۆنایێ ل پارێزگەھا دھۆکێ بریارا وێ چەندێ دا تا کۆ رێکەفتی ١٥⁄٨⁄٢٠٢٠ بھێنڤەدانا فەرمی بیت ل سەرانسەری پارێزگەھێ، ساخلەمیا دھۆکێ دیار دکەت کۆ دێ دەھ بنگەھێن ساخلەمیێ ل دھۆک و دەۆرۆبەران د ڤەکری مینن.

حەمزە رەزیکی، پەیڤدارێ رێڤەبەریا گشتی یا ساخلەمیا پارێزگەھا دھۆکێ دیار کر: "ژ بو بەرژەوەندیا گشتی یا وەلاتیان و سەرەرای نەبوونا دەواما دامودەزگەهێن حکۆمی ل دهۆکێ، دەھ بنگەهێن ساخلەمیێ دێ ل دھۆک و دەورۆبەران د ڤەکری بن".

پەیڤدارێ رێڤەبەریا گشتی یا ساخلەمیا پارێزگەھا دھۆکێ گۆتژی: "شەش بنگەهێن سەرەکی ل دهۆکێ دئ مينن ڤەکرى ئەوژی بنگەهێن (شندوخا، مالتا، نزاركێ، سەرهلدان، بەهدينان، خەبات) و ل كەرتێ مانگيشکێ ژی بنگەهێن (مانگيش، كورا، باگێرا، وزاويته)" و گۆتژی: "دەوام ل وان بنگەهان دێ دەمژمێر نەهێ سپێدێ هەتا ئێکێ نیڤرۆبیت ژبلی رۆژێن شەمبی و پێنجشەمبی".

ناڤبری ئاماژە ب وێ چەندێ ژی دا: "بنگەهێ خەبات، ژبەرکۆ بنگەهەک نۆبەدارە هەموو رۆژان هەتا دەمژمێر 12ێ شەڤێ دێ د کاری دابیت و ژ لایەکێ دیتر ڤە رێڤەبەریا ساخلەمیا سێمێلێ بڕیار دایە هەموو بنگەهێن ساخلەمیێ ل سێمێلێ دڤەکری بن".












باسنيوز