پەیڤدارێ رێڤەبەریا گشتی یا ساخلەمیا پارێزگەھا دھۆکێ ڕاگه‌هاند، شەڤا دەربازبووی ل پارێزگەھا دھۆکێ دوو نەخۆشێن کۆرۆنایێ گیانێ خۆ ژدەست دا.

حەمزە رەزیکی، پەیڤدارێ رێڤەبەریا گشتی یا ساخلەمیا پارێزگەھا دھۆکێ دیار کر: "شەڤا دەرباز بووی 1 سەر 2020/8/2 ل قەزا ئاکرێ ل سنۆرێ پارێزکەھا دھۆکێ دوو کەسان ژئەگەرێ تووشبوونا وان ب نەخۆشیا د ژیێن 60 و 66 سالیێ دا، ل نەخۆشخانا گۆلان ل ئاکرێ گیانێن خوە ژدەست دان".

گۆتژی: "ئێک ژ تووشبوویان پاسەوان بوویە و یێ دیتر کاسبکار بوویە، دوھی رێکەفتی ١⁄٨⁄٢٠٢٠ ، پشتی سەرەدانا نەخۆشخانێ کرین و نموونە ژێ هاتینە وەرگرتن، بەری دەرچوونا ئەنجامان گیانێن خوە ژدەست دان، ئەڤ دوو کەس ئێکەمن ژ نەخۆشێن کۆرۆنایێ ل دھۆکێ گیانێ خۆ ژدەست دانە".













باسنیوز