پۆلیسی هەولێر دوو کەسی بەتۆمەتی بەکارهێنانی ماددەی هۆشبەر دەستگیر کرد
ئەمرۆ چوارشەممە ٢٩ی ٧ی ٢٠٢٠، پۆلیسی هەولێر لە راگەیاندراوێکدا کە تێیدا بڵاویکردووەتەوە، "بەشی پۆلیسی فریاکەوتنی هەولێر، دوای كۆكردنەوە و بەدەستهێنانی زانیاری، لە گەڕەكی كارێزان و گەڕەگی ئیسکان، دوو كەسیان بە ناوەکانی (ش.ع.ا) و (ھ.م.ع) بە تۆمەتی بەكارهێنانی ماددەی هۆشبەر لە جۆری (كریستاڵ) دەستگیر كرد، كە لە كاتی دەستگیركردنیاندا بڕێك ماددەی هۆشبەر و هەروەها كۆمەڵێك كەلوپەلی بەكارهێنانی ماددە هۆشبەرەكانیان لابوو".
روونیشکراوەتەوە، کە تۆمەتبارانی ناوبراو، دانیان بە تاوانەكەیاندا و پەڕاوی لێكۆڵینەوەیان بۆ رێكخرا و بەپێی ماددە ١٤ی هۆشبەرەكان لە یاسای سزادان، بەند كران و رووبەڕووی یاسا كرانەوە.
باسنیوز
