لە ئۆپەراسیۆنێكی هێزەكانی پۆلیسی فیدراڵیی عێراق، دوو چەكداری داعش لە سنووری كەركووك دەستگیر كران.

مولازمی یەكەم عەلی محەمەد، ئەفسەر لە بەشی راگەیاندنی پۆلیسی فیدراڵیی عێراق، ڕایگەیاند: "ئەمڕۆ چوارشەممە 29/7/2020، لە ئۆپەراسیۆنێكی هێزەكانی پۆلیسی فیدراڵیی عێراق، لە سنووری كەركووك، بە پشتبەستن بە زانیاریی هەواڵگیری، توانرا دوو چەكداری داعش بە ناوەكانی (ی. م. ن) و (ب. س. م) دەستگیر بكرێن".

گوتیشی: "ئەو چەكدارانەی داعش بەپێی مادەی 4ی تیرۆر لە یاسای سزادانی عێراقی لەلایەن دادگاشەوە داواكراو بوون".

لە 16ی ئۆكتۆبەری 2017 كەركووك لەلایەن حەشدی شەعبییەوە داگیر كراوە و لەو كاتەوە تا ئێستا دۆخی ئەمنیی پارێزگاكە نالەبارە و جموجۆڵی داعشیش زیادی كردووە.











باسنیوز