بەرپرسێ‌ نڤیسینگەها رزگاركرنا رەڤاندیێن ئێزدی دیاركركو هەموو كچێن رزگاربوویێن بن دەستێن تیرۆرستێن داعش ناڤ ئێزدیان دا یێن هاتینە وەرگرتن و چوو حالەت نەماینە نەهاتینە وەرگرتن وگەنجێن ئێزدیان پرۆسەیا هەڤژینێ‌ دگەل گەلەك كچێن رزگاربوویێن ئێزدی پێك ئیناینە.

حسێن كۆرو قائێدی بەرپرسێ‌ نڤیسینگەها رزگاركرنا رەڤاندیێن ئێزدی دیار كر كو: "پشتی بریارا جڤاتا روحانیا ئێزدیان هاتیە دان بۆ ڤەحەواندنا هەموو رەڤاندیێن ئێزدی هەموو رەڤاندیێن ئێزدی یێن هاتینە رزگاركرن، یێن هاتینە قەبوول كرن و هیچ حالەتەك نەمایە كو نەهاتبتە قەبوولكرن. هەموو حالەت هاتنە قەبوولكرن و وەرگرتن وگەلەك ژ گەنجێن ئێزدیان پرۆسەیا هەڤژینیێ دگەل كچێن رزگاربوویێن بندەستێ‌ تیرۆرستێن داعش پێك ئینایە. ئەڤە ئاماژەكا بۆ تیرۆرستێن داعش كو ئێزدیاتی ژ هەموو پلانێن دوژمنان مەزنترە وگەنجێن ئێزدیان دەست دایە پێك ئینانا هەڤژینیێ‌ دگەل كچێن رزگاربوویێن ئێزدی ئەڤە بۆ هندێ یە گەنجێن ئێزدیان هەست بەرپرسیاتی كرن بۆ پاراستنا كچێن رزگاربوو لەورا ژیانا هەڤژینیێ‌ دگەل پێك ئیناینە".

ئاشكەرا كر كو: "سالا 2014ێ‌ ژلایێ‌ تیرۆرستێن داعش ڤە 6 ھەزار و 417 كچ وژن و زارۆیێن ئێزدیان ل شنگال هاتنە رەڤاندن. هەتا نۆكە زێدەتر ژ سێ ھەزار‌ و 500 رەڤاندیێن ئێزدی یێن هاتینە رزگاركرن و هێشتا چارەنڤیسێ‌ زێدەتر ژ دوو هزار رەڤاندیێن ئێزدی دیار نینە".











باسنيوز