ل دهۆكێ سنێلهك خهندقی
مقهدم بێوار عهبدولعهزیز، پهیڤدارێ بهرهڤانیا باژێری ل دهۆكێ بۆ (باسنیوز) دیاركر: "بهری نیڤرۆ یا ئهڤرۆ دهوروبهرێن دهمژمێر (11:30) بوو، پهیوهندی ب تیمێن مه یێن نقومڤانان هاتیه كرن كۆ رویدانهكا خهندقینێ ل دهوروبهرێن دهۆكێ ههبوویه و ههر بلهز تیمێن مه قهستا جهێ رویدانێ كریه" و گۆت: " ل ناڤبهرا ههردوو گوندێن لیناڤا و خازیاڤا ئاڤهك وهكه بهنداڤهك بچویك ههیه پشتی كۆ سپێدههیا ئهڤرۆ 5 سنێلهیان ب مهرهما ئهنجامدانا مهلهڤانیان قهستا وی جهی كری، ژ نشكهكێ ڤه ، سنێلهیهكێ دژیێ 16 سالی دا دخهندقیت و گیانێ خۆ ژ دهست ددهت".
پهیڤدارێ بهرهڤانیا باژێری ل دهۆكێ گۆت ژی: "ژ بهر كۆ ئهو جهێ رویدان لێ دورست بووی و ئهو كهسه لێ خهندقی، جادا ترۆمبێلێ بۆ ناچیت، لهورا تا كۆ ئهم ژ دهۆكێ گههشتینه وی جهی نێزیكی ئێك دهمژمێر دهرباز بوویه، د ههمان دهم دا تیمێن مه شیان تهرمێ وی سنێلهی ژ ئاڤێ دهربێخن".
دوپاتی ل وێ چهندێ ژی كر: "ئهو سنێلێ خهندقی خهلكێ دهۆكێ یه و تهرمێ وی بۆ نۆژداریا داد یا دهۆكێ هاتیه رهوانهكرن و ئهڤه د دهمهكێ دا یه كۆ ل دهمێ 24 دهمژمێرێن بۆری دا ل سنورێ پارێزگهها دهۆكێ 3 كهس ب رویدانێن خهندقینێ گیانێ خۆ ژ دهست داینه".
باسنیوز
